Aadha...

Sach ho ya jhoot kuch bhi maine aadhe hriday se nahin bola
Na kara prayaas aadhe mann se, na chhodi kosish aadhe hriday se

Na adhure sapno se karaa aankhon ko trupt, na aadhe ummedon se bhari udaan
aadhe iraade se lakshya nahin saadha, na addhe mann se maanga aasmaan

Na aadhi samajh se nishkarsh nikalaa kabhi, na nishkarsh adhaa samjhaya hai
na addhi jeet ka jashn kiya kabhi, na aadhi haar ka maatam manaya hai.

Adhura ek sach aur sampurntaa ek bhram hai
isi ehsaash se jeevan ko addha gale lagaaya hai..

Truly
Abinash