Kuch cheezein... paaya hun

kuchh cheezein samet kar laya hoon
aise hi bin dhoondhe jinhe main paya hoon
kuch aisee cheezein jo bekaar si hain
kuch aisee cheezein jo darkaar si hain

kuch cheezein jalne-jalanewalee
kuch cheezein palne mananewalee
kuch cheezein jo bas rukee rukee har pal dilko satanewalee

kuch cheezein man ko lubhanewalee
kuch cheezein raaz chhupanewalee
kuch cheezein jinse shuru hueen
koi kahani manpasand sunanewalee

kuch cheezein jinse khud darr jaun
kuch cheezein jinse auron ko daraun
kuch cheezein jinko dekh dekh apna aur jagka darr bhagaun

kuch cheezein jo hain chhoti chhoti
kuch cheezein jo hain moti moti
kuch cheezein jo hain anant nashwar
na hain woh koi kharee khoti

kuchh cheezein samet kar laya hoon
aise hi bin dhoondhe jinhe main paya hoon
kuch aisee cheezein jo bekaar si hain
kuch aisee cheezein jo darkaar si hain.

By:- Surya Mishra*; I loved it so posted it.
* My brother, friend, guide, mentor and some one I love.